Barnehagestyrar

Styrar er fagleg og administrativ leiar for barnehagen og rapporterer direkte til kommunalsjef for oppvekst.

Skattebøl barnehage blir frå hausten -25 ein fem-avdelings barnehage i Granhagen/Nossgrenda, ca. 3 km frå Ål sentrum. Barnehagen har eit stort og variert uteområde, med gode turalternativ i nærmiljøet. Barnehagen skal nytte både lokale og uteområde ved Skattebøl barnehage og Skattebøl skule.

I Skattebøl barnehage set vi «den gode kvardagen» i høgsetet; ein kvardag der personalet arbeider tett på barna, og der barnas leik er høgt verdsett. Barnehagen skal frå hausten -25 etablere ei avdeling som ute/friluftsbarnehage.

Arbeidsoppgåver

• Overordna ansvar for drift av barnehagen.
• Personal-, fag- og økonomiansvar.
• Vidareutvikle barnehagen.
• Leie og utvikle det pedagogiske arbeidet.
• Styrke samarbeidet på tvers av avdelingar og andre aktørar i kommunen.
• Sikre godt samarbeid med føresette.

Kvalifikasjonar

• Pedagogisk utdanning på høgskule-/universitetsnivå.
• Leiarerfaring.
• Digital kompetanse.
• Gjerne vidareutdanning innan administrasjon eller styrarutdanning-
• Gjerne vidareutdanning/erfaring innan friluftsliv.

Personlege eigenskapar

Det blir lagt stor vekt på personlege eigenskapar. Vi søkjer etter deg som:

• Brenn for barnehageyrket og barnas beste.
• Er innovativ, har evne til planlegging og gjennomføring, både på kort og lang sikt.
• Er oppdatert innanfor barnehagefeltet.
• Er resultat- og løysingsorientert.
• Har god økonomisk forståing.
• Har evne til å arbeide strukturert og sjølvstendig.
• Har erfaring med og evne til leiing i utviklingsarbeid.
• Er ein tydeleg, trygg og synleg leiar som har evne til å engasjere, motivere, inkludere og inspirere til felles innsats.
• Er raus, fleksibel, har godt humør og trivst med ein travel kvardag med varierte oppgåver.
• Har evne og vilje til kommunikasjon og samarbeid med barn, tilsette, føresette og andre samarbeidspartar.
• Er oppteken av og interessert i fysisk og psykisk helse gjennom arbeid i og med naturen.
• Har god formidlingsevne muntleg og skriftleg.
• Likar å vere ute i all slags vêr, året rundt.

Ål kommune nyttar nynorsk som målform.

Vi tilbyr

• Ein framtidsretta, variert og utfordrande jobb.
• Eit solid og sterkt fagmiljø med gode vilkår for fagleg utvikling.
• Fokus på natur, friluftsliv og kultur.
• Eit triveleg arbeidsmiljø med dyktige og erfarne medarbeidarar.
• Eit godt etablert tverrfagleg samarbeid.
• Eit godt samarbeid mellom barnehagane i kommunen.
• Leiarstøtte, stor tillit, ansvar og nødvendig mynde.
• Moglegheit for vidareutdanning og leiarutvikling.
• Gode lønsvilkår og pensjonsordning.

Søknad og politiattest

• Vitnemål og attestar legg du inn saman med søknaden.
• Den som vert tilsett må legge fram politiattest ikkje eldre enn tre månader.
• Kommunen følgjer offentleglova § 25 ved eventuell offentleggjering av søkjarlista.

Ta gjerne kontakt med oss om du har spørsmål til stillinga!

Velkomen som søkjar!