Fagarbeidar/assistent Skattebøl barnehage

Vi søkjer medarbeidar til Skattebøl barnehage og har no ledig 100% mellombels stilling som fagarbeidar/assistent. Dette er ein inntil 100% mellombels stilling. Perioden er 22.03.25- 17.08.25, men med moglegheit for forlenging.

Skattebøl barnehage er ein 3-avdelings barnehage for barn i alderen 1-5 år, og blir frå 01.04.25 ein 4-avdelings barnehage. Barnehagen brukar lokale både ved Skattebøl barnehage og Skattebøl skule.

Skattebøl barnehage ligg fint til i eit skogholt, i Granhagen/ Nossgrenda, ca. 3 km frå Ål sentrum. Barnehagen har eit stort og variert uteområde, med gode turalternativ i nærmiljøet. Vi likar å kalle oss ein «kulturbarnehage». Les meir om barnehagen på Ål kommune sine heimesider, www.aal.kommune.no.

Å jobbe i barnehage er ein gjevande, varierande og interessant jobb. Arbeid med barn er meiningsfylt, og nettopp du kan vere med på å gjere ein forskjell for barna. Du vil arbeide saman med profesjonelle, fagleg dyktige og engasjerte pedagogar og assistentar. Alle desse gjer ein stor innsats for at alle barna i barnehagen skal ha ein god dag.

I Skattebøl barnehage set vi «den gode kvardagen» i høgsetet; ein kvardag der personalet arbeider tett på barna, og der barnas leik er høgt verdsett.

Kvalifikasjonar
Vi ønskjer at du:

• har fagbrev som barne- og ungdomsarbeidar og/eller anna relevant bakgrunn

Personlege eigenskapar
Det blir lagt vekt på personlege eigenskapar. Vi ønskjer deg som søkjar som:

• trivast i lag med små barn
• er utadvendt og trygg på deg sjølv
• er glad i å vere ute i all slags vêr, året rundt
• har gode samarbeidsevner
• er fleksibel og løysingsorientert
• kan uttrykke deg godt på norsk, både skriftleg og munnleg

Ål kommune nyttar nynorsk som målform.

 Vi tilbyr

• barnehagar med sterke utviklande og faglege miljø
• engasjerte tilsette
• stabil personalgruppe
• kompetanseheving felles for barnehagane i Ål kommune
• pensjonsordning KLP
• lønn etter gjeldande tariffavtale
• arbeidsforholdet er regulert av Hovudtariffavtala

Politiattest og søknad

• vitnemål og attestar legg du inn saman med søknaden
• den som vert tilsett må legge fram politiattest ikkje eldre enn tre månader
• intervju og tilsetting kan skje fortløpande i søknadsperioden
• kommunen følgjer offentleglova § 25 ved eventuell offentleggjering av søkjarlista

Velkomen som søkjar!