Prosjektleiar Ål Helsetun

Ål kommune skal bygge ut Ål helsetun i etappar og treng ein erfaren og tydeleg prosjektleiar i inntil 100% stilling i 3-5 år. 

Arbeidsoppgåver:

• Saman med prosjektorganisasjonen definere romprogram for dei ulike byggestega og leie planlegging, prosjekterings- og byggefasene.
• Sørge for at styringsgruppe, arbeidsgrupper, referansegrupper og brukarkoordinator fungerer godt.
• Utarbeide framdriftsplan og budsjett for arbeidet.
• Ha kontakt med Husbanken på vegne av byggherre.
• Vere med på å velgje enterpriseform og sørge for utlysing av arkitekt-, prosjekterings- og byggeoppdrag.
• Følgje opp leverandørane i planleggings-, prosjekterings- og byggefasane.

Stillinga kan evt delast opp viss søkjarar ønsker deltidsstilling.

Kvalifikasjonar og eigenskapar:

• Vi ønsker ein prosjektleiar med erfaring og gode referansar helst frå store byggeprosjekt innan helse. 
• Ønskeleg med høgare utdanning innan relevante fagområde. Relevant erfaring kan kompensera for utdanningskravet.
• Vi ser etter ein som er ryddig og strukturert, og har gode samarbeids- og kommunikasjonsevner.
• Du har solid økonomiforståing og evne til å skape struktur.
• Personlege eigenskapar vil bli lagt vekt på.
• God skriftleg og munnleg framstillingsevne er viktig.

Me kan tilby:

• Ei unik jobbmoglegheit med eit spennande prosjekt som vil setje spor i lokalsamfunnet.
• Fleksibel og variert arbeidskvardag.
• Eit godt og fagleg kompetent team og støtteapparat med vilje til utvikling, som vil vere med å gje både forankring, nettverk og motivasjon.
• Løn etter avtale.
• Gode pensjons- og forsikringsordningar regulert av Hovedtariffavtala.

Send søknad:

• Ta kontakt om du har spørsmål knytt til stillinga. 
• Vitnemål og attestar legg du inn saman med søknaden.
• Kommunen følgjer offentleglova § 25 ved eventuell offentleggjering av søkjarlista.
• Intervju vil skje løpande gjennom søknadsprosessen.

Velkomen som søkjar!